أول يوم في حضانة طفلك..........
السلام عليكم يافتاتيك ياحلوين وجمال
أنا عايزة أعمل موضوع عن ذكريات الامهات واللي أنا منهم حالياً عن أول يوم في حضانة ابنك او بنتك وكان عمرهم اد ايه؟ وكان اليوم عامل ازاي واتصرفتي فيه ازاي والحضانة اتصرفت فيه ازاي؟ والطفل رد فعله كان ايه واصلاً شخصية طفلك عاملة ازاي, يعني خجول بطبعه ولا اجتماعي؟ وأخد كام يوم عشان يتوائم مع الحضانة؟
عشان نستفيد من خبرات اللي سبقونا في الموضوع ده ونحاول مانكررش اخطائنا ونعمل الصح دايماً
بصراحة انا مش عارفة الموضوع ده اتعمل قبل كده ولا لأ؟
وأنا لسه مش وديت بنتي الحضانة فعشان كده مش عارفة رد فعلها إيه ...ربنا يستر بقى
ايه رأيكم في الموضوع ياريت ماتنسوش التقييم عشان ده اول موضوع ليا يبقى فيه تقييم ياترى هيبقى فيه تشجيع ولا.... بهزر بهزر
وياريت يااااااااااااااااااااااااااااريت محدش يتعصب ويصمم على رأيه........ أحنا مجرد بنقول اللي حصل وأسبابه عشان الموضوع ده فيه أرااااااااااااااااااااااء كتيرة جداً سواء من المتخصصين أو الأمهات أنفسهم
يعني باختصار الموضوع ده بالذات فيه أراء كتيرة جدا اللي بتأيده واللي مش بتأيده اللي يقولك ودي الطفل الحضانة وهو عنده سنة لأ سنتين لأ تلات سنين على الأقل
فمافيش احسن من اسأل مجرب ولا تسأل طبيب
فياريت كل الأخوات الفتوكات اللي مروا بموضوع الحضانة يستجيبوا لنداء الواجب ويدخلوا يشاركوا في الموضوع
يارب الاقي تواصل وتفاعل يارب يارب يارب يارب
الخميس يونيو 02, 2011 7:25 am