[center]عروساتي حبيباتي
بناء على طلبكم
عملتلكم الموضوع ده
الي هنتكلم فيه عن مستحضرات التجميل اللي هتجيبها لجهازك
لان مستخضرات التجميل من اهم خطوات التجهيز
ومع ذلك بتتعمل بدون تركيز
تروحي جايبه من كل فيلم اغنيه وخلاص
وتكتشفي انك نسيتي حاجه وخاجه تانيه جيبتي منها كتييييير
ومالهاش داعي ومدة الصلاحية تفوت وبعد سنه تلاقي البانيو مليان حاجات مستخدمتيهاش ولا هاين عليكي ترميها
ولا انتي عايزة تستعمليها لان ذوقك وذوق زوجك بيوجهوكي لحاجات تانبه اجدد وافضل
لانك بتشتريها على روقان
المحلات مش هتقفل يا جماعه
هاتوا اللي يكفبكوا شهر بس او شهرين
لان في مدة صلاحية مش اللي موجوده على العلبه سنتين تلاته اربعه
لا في مدة صلاحيه خفيه بالذات على المنتجات الكويسه
ده مدة الصلاحيه بعد فتح العبوة
بتلاقوا على الضهر مرسوم علبه صغيره خالص مفتوحة وجواها رقم مثلا 3M
يعني تلات شهور من فتح العبوة وتنتهي الصلاحيه
طبعا في ناس مش بتاخد بالها خالص وتفضل تستخدم الصن بلوك مثلا من السنه للسنه وتقول وشي طلع فيه حبوب
مع اني مستخدمتش حاجه جديده
ايوة ما اهي ده المشكله
لازم نجيب على الاد بالظبط
يعني كريم اساس مش كذا نوع لا هو نوه او اتنين بس ويكون الغرض منهم مختلف واخد تقيل والتاني خفيف واحد بيلمع او مضيء
البودر نفس الموضوع
الماسكارا من تلات لست شهور بالكتيراوي ومتحطيش منها تاني
لان ممكن تسبب التهاب ساعتها هتتعالجي باربع اضعاف تمن الماسكارا يبقى ليه من الاول
يعني نجيب واحده بس كفايه
وطبعا الكريمات بتفصل بردو وريحتها بتغير يبقى نجيب اللي محتاجينه بس
الحاجه التانيه
اللي عايزة الفت نظركم ليها متجربيش اي شيئ جديد في الزواج
جربيه قبلها بشهرين او لا
بالذات طبعا لو حاجه في الوجه غسول او كريم او ايا كان
وكذلك الميك اب جربيه قبل الزاوج بشهر مثلا
يعني اللي تعرفيه احسن من اللي متعرفيهوش
علشان متلاقيش عندك حاجات كتير مصيرها الركنه والزرنخو
هاتي استعمالك العادي فقط
الحاجه التالته
في ناس تقول هجيب حاجات رخيصه علشان تكون كتير من 2و نص
لا لا
هاتي اتنين روجاجو بس كويسين على الاقل يكونوا اماندا او تشاو
وكذلك الكحل من اورقليم حلو اوي
وميك اب اوريفليم كويس واسعاره معقوله في العروض
هاتي المهم فقط المهم يكون كويس
صدقوني اوفر من حاجات كتير هترميها لانها مش هتعجبك خالص
اتمنى الموضوع يعجبكم
والموضوع مفتوح لاي نقاش بينكم
الحاجات ده بجد عايزة اهتمام وتبادل خبرات
الأحد يونيو 05, 2011 11:59 pm