لو رايحة تزورى عروسة يبقى لازم تدخلى لحظة

---

---

---

---

---

---

---

---

ازيكم يا أحلى بنات
ان شاء الله تكونوا بخير
بما اننا فى موسم الافراح واكيد مننا كتير بيزور عرسان فقررت اكتب الموضوع ده كنت
قريته قبل كده
يلا نتوكل على الله وكل واحدة تشد حزام الامان
>>مش حزام البنطلونول حاجة مهما كنتى قريبة للعرسان لازم تقوليلهم قبلها عن معاد الزيارة مش تقولى اعملها مفجأة



2) لو انتى عندك أطفال يارييييييت بلاش
تاخديهم معاكى انتو يعنى مش رايحين تتفسحوا .. وتفضلى تقولى "اقعد يا ولا"
"اقعدى يا بت" "حاسبو على الفازة" والعروسة
ياعينى بتبقى عايزة تشد فى شعر عريسها



3) طبعا أكيد ولابد وحتما هتاخدى هدية
معاكى ولا عايزة تروحى إيد ورا إيد قدام فمثلا
لو كنتى قريبة أوى من العرسان ممكن تسأليهم محتاجين لإيه وتجيبهالهم هديه
ولو انتو عادى يبقى تجيبى هديه مناسبة وخلاص......
طب لو انتى جبتى هدية قبل كده يبقى
تدخلى عليها ببوكيه ورد رقيق كده او أى حاجة بسيطة وعلى ذوقك



4) خلاص والحمد لله وصلنا شقة العرسان
بصى بقى انتى وهيا الزيارة تكون قصيييييييرة
متزيدشى عن ساعة مش بقى تفضلى معاهم للغدا والعشا وناقص تباتى كمان



5) نيجى بقى على نقطة ضعف الستات وهيا الكلااااااااااااااااام
لازم ياحبايبى منتكلمش فى الخصوصيات زى
نيتهم فى الخلفة او تكلفة حاجة فى الجهاز امال هنتكلم فى ايييه؟؟؟
ايه رأيك لو قعدوا تتذكروا اللحظات الحلوة فى الفرح وهكذا



الحمدلله كدا خلصناو اللى عندها أى إضافة
تكتبها مفيش أى مشكله

وطبعا مش هاوصيكم دا اناحتى كتبت الموضوع
أكتر من مرة وياريت لو مش هتقل عليكم دعوة
حلوة